Bremanger

Heile året

Vår 

Våren kjem tidleg langs kysten. Lyset vender tilbake, og naturen vaknar mellom hav og fjell. Dette er ei fin tid for rolege turar i området rundt Grotlesanden og Iglandsvik, før sommarsesongen tek til.

Sommar 

Sommar er høgsesong, med lange lyse dagar og gode forhold for turar, bading og opplevingar langs kysten. Grotlesanden er eit populært mål, og mange tek turen vidare til Vetvika eller til utsiktspunkt som Hornelen og Veten. Guiding og aktivitetar på sjøen gjev også høve til å oppleve kysten frå ein annan vinkel.

Haust 

Hausten byr på dramatisk lys, skiftande vêr og færre besøkande. Dette er ei flott tid for fjellturar, til dømes til Hornelen, der utsikta over havet er ekstra mektig. Landskapet gjev rom for gode naturopplevingar i rolegare omgjevnader.

Vinter 

Vinteren kan vere røff og vakker, med kraftige bølgjer og skiftande vêr som gjev ekte kyststemning. På klare dagar gjev turar i låglandet og langs kysten ei særprega oppleving av landskapet, medan havet viser kreftene som har forma området.

Vetvika Høst @ Thomas Sagvik

Hornelen @ Sverre Hjornevik / Fjord Norge

Kultur og historie

Bremanger er eit kystsamfunn der livet alltid har vore tett knytt til havet. Fiske, ferdsel og handel har forma både landskapet og menneska som bur her.

Små bygder som Iglandsvik ber preg av lange tradisjonar, med røter fleire hundre år tilbake i tid. I nærområdet finn du også Smørhamn handelsstad, som i generasjonar har vore ein viktig møteplass langs kysten.

Opplev Bremanger

Frå turar til spektakulære utsiktspunkt og stille stunder på kvite strender, til opplevingar langs kysten og ute på havet. Bremanger byr på store naturopplevingar i alle retningar. Her kan du gå til ikoniske mål som Hornelen, utforske strender som Grotlesanden og Vetvika, eller oppleve kystlandskapet frå sjøen på guida turar.

Nyt nærleiken til havet med ferske råvarer og lokale smakar, og finn roen i eit landskap der naturen alltid er tett på. Du kan bu ved sjøkanten, i små bygder med levande kystkultur eller i historiske omgjevnader som Smørhamn handelsstad.

Enten du søkjer spektakulære naturopplevingar, aktive dagar i fjellet eller stille stunder ved havet, gjev Bremanger rom for å finne ditt eige tempo og oppleve kysten slik han verkeleg er.

Bremanger er ein naturleg aktivitetspark som har vore open for besøkande i over 7 000 år. Her veks fjord, fjell og hav saman i eit landskap du ikkje finn maken til – frå Europas høgaste sjøklippe til kritkvite strender og den vestlegaste isbreen i Noreg. Kom og finn din eigen bit av Bremanger. Les meir om kommunen her.

Praktisk informasjon

Avstand frå flyplassane:

Sandane lufthamn Anda: ca. 90 km (ca. 2 timar og 10 minutt) 

Ørsta/Volda lufthamn Hovden: ca. 120 km (ca. 3 timar)

Ålesund lufthamn Vigra: ca. 180 km (ca. 4 timar) 

Bergen lufthamn Flesland: ca. 315 km (ca. 5 timar og 15 minutt) 

Det er direktefly frå Oslo og Bergen til Ørsta/Volda og Sandane. Til Ålesund går det også direktefly frå mellom anna Trondheim, London, København, Amsterdam, Frankfurt og Gdansk. 

Korleis kome seg hit:

Bremangerlandet ligg ytst i Bremanger kommune og er tilgjengeleg med bil via fylkesvegar frå både Nordfjord og kysten. Turen går gjennom eit variert og vakkert landskap heilt ut mot storhavet. 

Det går buss til Bremanger og nærliggande område, men tilbodet heilt ut til ytre delar kan vere avgrensa. 

Det er også mogleg å reise sjøvegen med hurtigbåt frå Norled, med stopp i Leirgulen og Smørhamn. Dette er eit flott alternativ for å oppleve kysten frå sjøsida.

For oppdatert informasjon: 

skyss.no

entur.no

nor-way.no

vy.no  

norled.no

Grotlesanden @ Andres Duran

Overnatting i og rundt Bremanger

Opplevingar og aktivitetar i og rundt Bremanger

Vandring i og rundt Kalvåg