Naturopplevingar og landskap
Sandane er omkransa av storslått natur, med fjorden på eine sida og fjella på den andre. Rett ovanfor sentrum finn du Eit av Norges flottaste turområde finn du her i Trivselsskogen rett ved Sandane sentrum. Turen kan du starte frå midt i sentrum og eit utval av stiar fører deg opp til eit fantastisk utsiktspunkt der du kan sjå ned på Holviksfossen. På vegen har lokalbefolkninga gjort stien til eit eventyr i seg sjølv.
For dei som vil høgare til fjells, byr området på fleire flotte turmål. Ryssdalshornet og Haugsvarden gir vid utsikt over Gloppefjorden og fjellheimen rundt, og passar perfekt for deg som vil kombinere natur og utsikt.
Kandal er ein liten sidedal aust for Sandane, kjent for sitt rolege og idylliske landskap. Her ligg gardar som har drive med matproduksjon i generasjonar, omgitt av frodig beite og vakre kulturlandskap.
Aktivitetar for heile familien
Sandane er eit eldorado for både små og store opplevingar. I Trivselshagen finn du badeanlegg, klatring og aktivitetar innandørs – perfekt uansett vêr. Ute ventar eit nettverk av grusvegar og stiar som gjer det enkelt å utforske området til fots eller på sykkel, enten du vil på ein roleg tur eller prøve deg på stisykling.
Ved fjorden er strendene langgrunne og familievennlege, og eignar seg godt for bading på varme sommardagar. Du kan også padle på Gloppefjorden eller prøve fiskelykka – både i fjorden og i den lakseførande Gloppenelva.
På Stall Rygg kan du bli med på ridetur i det dramatiske fjordlandskapet, ei oppleving som passar for heile familien. I fjella rundt finn du i tillegg eit stort utval av fiskevatn for deg som vil ha rolege dagar i naturen.
