Nordfjord ligg mellom Europas største fastlandsbre og det villaste havet i Noreg ved Stad. Her finn du spektakulære fjell og dalar, bølgande jordbruksbygder og dramatisk kystlandskap. Det er tett mellom store og lett tilgjengelege opplevingar. Nordfjord er Noreg på sitt flottaste, høgste, lengste, mjukaste og tøffaste. Alt i éin fjord.

Nordfjord ligg nord for Bergen og sør for Ålesund, midt i smørauget mellom Geirangerfjorden og Sognefjorden – i hjartet av Fjord Norway.

Om Visit Nordfjord

Visit Nordfjord AS er det offisielle regionale destinasjonsselskapet for marknadsføring og sal av Nordfjord som reisemål. Hovudoppgåva vår er å bidra til verdiskaping og ringverknader for Nordfjordregionen gjennom heile året.

Kva kan vi hjelpe deg med?

• Planlegging av reiseruter med overnatting, aktivitetar, attraksjonar og guidetenester
• Visningsturar og FAM-trips i samarbeid med Innovasjon Noreg og Fjord Norway
• Marknadsoppdateringar gjennom nyheitsbrev
• Presse- og marknadsarbeid 

Beate Vik Hauge

Kommunikasjonsleiar, ansvarleg for travel trade, B2B og presse

E-post: Beate@nordfjord.no

Lars Endre Gimmestad

Dagleg leiar

E-post: Lars.endre@nordfjord.no

Per Magnus Sandsmark

Marknadsleiar

E-post: Per.magnus@nordfjord.no

Hei

Foto- og filmbank

Bilete til ikkje-kommersielle føremål kan lastast ned gratis frå vår fotobank: nordfjord.imageshop.no.

Bileta er tilgjengelege for turoperatørar, presse og bransjeaktørar som marknadsfører Nordfjord.

Transport til Nordfjord

Nordfjord er lett å nå frå fleire flyplassar. Sandane lufthamn ligg midt i regionen med daglege avgangar til Oslo og Bergen. Ørsta-Volda og Florø er også nære alternativ.

Frå Ålesund lufthamn Vigra er det internasjonale ruter med SAS, KLM og Norwegian frå London, København og Amsterdam. Bergen lufthamn er også ein god inngangsport.

Leigebil er tilgjengeleg på alle flyplassane. Frå Bergen er det ca. 4 timar å køyre, frå Ålesund ca. 2,5 timar.

Daglege ekspressbussar knyter Nordfjord til Oslo, Bergen og Ålesund. Nor-Way bussekspress er kommersiell tilbydar av ekspressbussruter. Entur.no har oversyn over all rutegåande transport i Noreg.

Hurtigruten og Havila Kystruten seglar langs kysten dagleg, med Florø, Torvik og Ålesund som gode inngangsportar. Norled ekspressbåt går frå Bergen/Måløy med stopp i Smørhamn, Leirgulen og Selje.

Nordfjord har fleire cruisehamner: Olden, Loen, Nordfjordeid og Sandane. Ålesund, Måløy og Geiranger ligg også i nærleiken.

Her finn du høgdepunkt i Nordfjord

Hotell i Nordfjord

Guideselskap i Nordfjord