Olden Gard

Olden farm ligg omkransa av fjell på over 1500 meter. Det går fleire snøras kvar vinter, og garden er bygd på den tryggaste plassen bøndene kunne finne.

Her på garden har to av dei opprinnelige slektsfamiliane nett starta opp med gardsturisme. Målet er å syne fram dei gamle autentiske husa frå 1700-talet, uvurderlige måleri målt av ein stamfar på tidlig 1900 talet og alt det game jordbruksutstyret dei nytta på 1700- og 1800 talet for å kunne lage mat til seg og sine.

I den eldgamle grua vil ein kunne sjå korleis dei kokte maten sin og du kan gå rundt og nyte fred og ro i eit gamalt men samtidig levande gårdstun.

Dyra på garden er veldig glade i kos og klapp og det er mulig å være med å mate dei. Kaninene hoppar rundt og elskar ferske kvistar å gnage på, sauene likar å bli klødd bak øyret og hønene har kanskje lagt eit egg eller to som kan plukkast.

Det er mogeleg å booke guida tur med historiefortelling både frå garden og sjølve Olden. Her vil du få ei runde med ein av eigarane som kan fortelje om korleis livet på garden har vert heilt tilbake til 1400-talet. Du vil få kunne komme inn og sjå korleis dei levde på 1800-talet og kanskje vil du lære noko om gårdslivet i Noreg dei siste 700 åra.

Det er mogeleg å kjøpe nokre suvenirar frå garden. Kaffi, te, brus og kaker er tilgjengeleg for dei som ønskjer å setje seg ned og kjenne på atmosfæren i landlege omgjevnader i Olden.