Jostedalsbreen Nasjonalparksenter

Jostedalsbreen nasjonalparksenter ligg i Oppstryn, og er autorisert som besøkssenter for Jostedalsbreen nasjonalpark. Hovudbygning er bygd etter same prinsipp som eit vikinghus, og er omtrent like stor som det største vikinglanghuset som er funne i Noreg.

Nasjonalparksenteret inviterer deg med på ei sanseleg og til tider dramatisk reise inn i norsk natur. Blant anna kan du oppleve Noregs mest spennande, interaktive skredoppleving som gjev deg kjensla av å hamne midt i eit snøskred.

I kinosalen får du oppleve den mektige Jostedalsbreen og områda rundt nasjonalparken. Sjå kortfilmen om klima og ekstremvêr i eit spesialutforma rom – Flaumen, og utforsk breen gjennom ein interaktiv, omsluttande og nyskapande modell. Korleis vil klimagassutslepp påverke Jostedalsbreen si historiske utvikling og framtidige skjebne?

I vår biologiske utstilling kan du sjå og lære om kva for dyr vi har i norsk natur – og kome heilt tett på nokre av dei.
I fjord- og fjellhagen kan ein nyte den vakre utsikta over Oppstrynsvatnet, fjell, brear og elvar som ligg rundt. Utforsk eit landskap forma av både fjell og fjord, der ville blomar og plantar trivast i harmoni – i sitt naturlege habitat, i torv og blant andre vekstar.

I den geologiske parken kan du sjå 26 bergartar henta frå regionane; Nordfjord, Sunnfjord og Sogn. Bli med på ei geologisk reise gjennom millionar av år.

I tillegg til dette har senteret ein spisesal med 115 sitjeplassar, kafê med sal av kaffi og småkaker, og ein gåvebutikk med steinsmykker, varer av norsk design, lokalmat, bøker, kart m.m.

Nasjonalparksenteret leiger ut kano (firemanns) og SUP-brett.

Hjarteleg velkomen til Jostedalsbreen Nasjonalparksenter!