Universell utforming
©Thomas Wearne Føleide
Nordfjord har vakker natur, attraksjonar og aktivitetar - landskapet vårt er bratt og variert, og mange av opplevingane skjer i naturterreng. Dette skal skape barrierar for personar med redusert mobilitet eller andre funksjonsutfordringar.
Nokre overnattingsstader og attraksjonar har god fysisk tilrettelegging, medan natur- og friluftsopplevingar kan vere krevjande for personar med redusert mobilitet. Tilrettelegginga varierer også frå stad til stad.
Informasjon om tilrettelegging i Nordfjord varierer mykje og vi anbefaler at du kontaktar verksemdene direkte for å avklare kva som er tilrettelagt, og at du planlegg besøket ut frå dine behov.
Nordfjord har fleire mindre tettstader, som Stryn, Nordfjordeid, Sandane og Svelgen. Dei fleste sentrum har fortau, butikkar og serveringsstader med varierande grad av tilrettelegging. Eldre bygningar kan ha trapper eller nivåforskjellar ved inngang, medan nyare bygg ofte har betre tilkomst og universelt utforma løysingar. Tilgjenge til offentlege toalett og parkeringsplassar for personar med nedsett rørsleevne varierer frå stad til stad.
På denne sida finn du praktisk informasjon som kan hjelpe deg å planleggje besøket ditt ut frå dine behov.
- Tettstadar og sentrum
-
Dei fleste sentrum har fortau, butikkar og serveringsstader med varierande grad av tilrettelegging. Nyare bygg har ofte betre tilkomst, medan eldre bygningar kan ha trapper eller nivåforskjellar ved inngang.
Tilgjenge til offentlege toalett, parkeringsplassar for personar med nedsett rørsleevne og universelt utforma inngangar varierer frå stad til stad.
- Natur- og friluftsopplevingar
-
Mange av dei mest kjende attraksjonane i Nordfjord ligg i naturterreng. Stiar, utsiktspunkt og fjellområde kan vere krevjande for personar med redusert mobilitet.
Det finst enkelte tilrettelagde turstiar og område med betre framkome, men dette er ikkje gjennomgåande i heile regionen.
Vi anbefaler å undersøke lengde, stigning og underlag før du planlegg tur.
- Overnatting
-
Fleire overnattingsstader i Nordfjord tilbyr rom med tilrettelegging, men standard og løysingar varierer.
Dersom du har særskilde behov, anbefaler vi at du tek direkte kontakt med overnattingsstaden.
- Transport
-
Kollektivtilbodet i Nordfjord er avgrensa samanlikna med større byar. Tilgjenge på buss, ferje og anna transport kan variere.
Vi anbefaler å kontakte transportselskap direkte for informasjon om universell utforming og assistanse.
Dei lokale taxi selskapa har ofte større bilar med plass til rullestolar. Her er ei oversikt over dei ulike taxi selskapa i Nordfjord. Ta kontakt med dei direkte for meir informasjon.
Stryn Taxi: +47 57872350
Grønvik Taxi (Nordfjordeid): +47 97136658
Olden taxi: +47 950 86 146
Sandane taxi: +47 94855555
Bremanger taxi: +47 95956341
Planlegg besøket ditt
For mange reisande med funksjonsnedsetjing er god og detaljert informasjon avgjerande for å kunne planleggje trygt og forutsigbart.
Vi oppmodar alle gjester med særskilde behov til å:
-
Ta direkte kontakt med leverandør
-
Be om konkret informasjon om tilrettelegging
-
Planleggje i god tid
Har du spørsmål, kan du også kontakte oss i Visit Nordfjord på e-post mail@nordfjord.no, så hjelper vi deg vidare.