Kven er vi?

Visit Nordfjord AS er det offisielle destinasjonsselskapet for Nordfjord-regionen. Vi arbeider for å utvikle, synleggjere og marknadsføre Nordfjord som reisemål – til fordel for lokalt næringsliv, kommunar, oss som bur her og gjester.

Gjennom strategisk samarbeid mellom bedrifter, kommunar og fylkeskommune bidreg vi til at Nordfjord blir eit endå meir kjend reisemål, nasjonalt og internasjonalt. Bremanger, Gloppen, Stad og Stryn kommunar er med i samarbeidet. Vi har også medlemer i Kinn, Vanylven og Volda kommunar.

Våre hovudoppgåver er marknadsføring, b2b-aktivitetar vertskap og medlemsoppfølging. Visit Nordfjord har merket for berekraftig reiseliv. Vi arbeider målretta for å utvikle reiselivet i balanse med natur, lokalsamfunn og kulturarv.

Slik arbeider vi:

Visit Nordfjord skal reindyrke oppgåver knytt til synlegheit, marknadsføring og salsfremjande arbeid

Destinasjonsmarknadsføring og synlegheit (alle sesongar)
Salgsfremjande arbeid med turoperatørar
Presse- og visningsturar som bidreg til auka synlegheit for regionen
Medlemsdialog og medlemsoppfølging
Prosjekt med oppslutnad og god forankring i reiselivsnæringa
Kunnskapsformidlar for reiselivsnæringa (innanfor område der selskapet har spisskompetanse)
Deltaking i destinasjonsleiinga

Visjonen vår

Nordfjord – eit kompakt og komplett stykke Norge. Frå fjord til fjell, brear til surfestrender, og alt imellom. Nordfjord er ein region der natur, kultur og opplevingar ligg i korte avstandar frå kvarandre.