Mindresunde Camping

Mindresunde Camping ligg ved riksveg 15, berre 10 km frå Stryn sentrum, og er eit flott utgangspunkt for turar til attraksjonar og aktivitetar i regionen. Her finn du 10 hytter – frå enkel standard til meir komfortable – samt plass til om lag 40 campingvogner eller bubilar. Campingplassen har ei nydeleg utsikt mot Strynevatnet, omgjeve av majestetiske fjell og fossar.

På området finn du eit servicehus med dusj/WC, familierom og tilrettelagt rom for rørslehemma. Det er også kjøkken med komfyr og spiseplass, vaskerom med vaskemaskin og tørketrommel, samt kiosk med eit lite utval daglegvarer. Plassen har tømmestasjon for kjemikalietoalett.

Det er kort veg til kjende attraksjonar som Loen Skylift, Via Ferrata Loen, Briksdalsbreen, Jostedalsbreen Nasjonalparksenter, Hydla klatrepark og rundreisa Stryn–Geiranger–Stryn. I Stryn sentrum finn du buss-stasjon, kjøpesenter, daglegvarebutikkar, restaurantar, symjehall og treningssenter.

Aktivitetar på campingplassen:
Utleige av motorbåt, robåt og kanoar
Fiske i Strynevatnet
Grillpaviljong ved vatnet
Lekeplass og trampoline
Merka turstiar i flott natur – også opp til fjelltoppar

Vi vil gjere vårt beste for å gje deg ei hyggeleg oppleving i fredelege omgjevnader.