Nordfjord i barnehøgde

Ferietid med barna er den gode tiden som aldri kommer tilbake. Og Nordfjord er naturens egen familiepark og lekegrind. Her finner dere opplevelser og muligheter som passer for absolutt alle.

©Saltnwax

©Emma Midthjell

Nordfjord er eit eldorado for barnefamiliar

Ferietid med barna er den gode tida som aldri kjem tilbake. Og Nordfjord er naturens eigen familiepark og leikegrind. Her finn de opplevingar og moglegheiter som passar for absolutt alle. For Nordfjord er laga for leik, moro, utfordringar, meistring, glede og begeistring – for heile familien. Det er derfor Nordfjord gjerne omtalast som den perfekte familiedestinasjonen. Hit kjem familiar som består av både to, tre og fire generasjonar – nettopp fordi her er noko for alle.

Den gode ferieopplevinga

Når de legg ferien til Nordfjord, kjem dokke til å finne flotte opplevingar uansett kva veg de reise. Nokon av opplevingane ligg høgt til fjells, andre i ein spennande dal eller ved eit stille vatn, medan andre finns ved ei elv eller ved fjorden og havet. Vi har også gamle hotell bygd av tre med spennande spøkelseshistorier, fine kjøpesenter med butikkar for heile familien, outlets og plassar med unike små butikkar. Og framfor alt: tusenvis av aktivitetar. Dokke kjem til å raskt oppdage at dei fine dagane flyr forbi og at ferien er over altfor raskt. Men vi har ei løysing på det og: Vi ønskjer dokke hjarteleg velkomne tilbake – så snart som mulig. Fordi vi har så mykje meir å by på.

Foto: © Emma Midthjell Solibakke

Foto: © Emma Midthjell Solibakke

10 tips for den perfekte familieferien i Nordfjord:

La barna få vere med på planlegginga. Sjå på nettsidene våre for å få inspirasjon og reiseglede. Gje barna moglegheita til å teikne eller fortelje sine forventningar. Stemme dei med fasiten etter turen?
Bestill ferien i god tid, slik at dokke kan glede dokke i lag lengst mogleg.
La barne få vere med å bestemme dagsetappar og innhald i ferien.
Sett av god tid til kvart besøk. Ting tar ofte lengre tid enn ein trur. Og det er ingenting som øydelegge den gode stemninga meir enn når ein har det travelt.
Sett av god tid til å oppdage, smake og nyte den gode og barnevennlege maten i Nordfjord. Opplevingane blir alltid hyggelegare når ein er god og mett.
Bu gjerne på same plass over fleire dagar, og reis på dagsturar der frå. Da har barna anledning til å komme tilbake til ein kjent plass om kvelden. Og dokke slepp å sjekke inn og ut kvar dag.

Foto: © Emma Midthjell Solibakke

Ha med klede til alt slags vêr. Ikkje la vêret sette begrensningar på kva dokke skal oppleve i ferien. Sommardagane er ofte lune, fine og deilige i Nordfjord, men ikkje alltid. Og i staden for vêrgaranti, kan vi garantere at dokke får fleire uforgløymlege opplevingar, uansett vêr.
Ver nysgjerrig. Vi i Nordfjord ønskjer å vise dokke hemmeleg jordbærplassar, våre skjulte små perler og ting vi er stolte av. Vi vil gjerne fortelje dokke om dei, så spør folk dokke treffe undervegs – vi delar gjerne. Det kan vere akkurat det tipset som blir ferien sitt høgdepunkt.
Kan dokke ta med ein ekstra venn? Nordfjord er den perfekte ferieplassen for barn og venner. Og sjølv den kjedelege bilturen blir kjekkare når ein dele den med ein venn.
Lag eit fotoalbum frå ferien når dokke kjem heim. Barn elskar å kikke i album med bilete av seg sjølv. Samle gjerne med dokke små minner som dokke kan lime inn i albumet.

Foto: © Emma Midthjell Solibakke

Foto: © Emma Midthjell Solibakke

Familievenlege opplevingar i Nordfjord

Besøksgardar

Hjortegarden ligg i bygda Ålfoten. Her får dokke vere med på fôring av hjort og oppleve det flotte dyret på nært hald. Hjortegarden er også eit utmerka utgongspunkt for fine turar i skogen og fjellet, og med gode moglegheiter for bading og fisking i fjellvatn.

Nave Hjortefarm ligg på Nave i Stad kommune. Her for dokke i tillegg til nærkontakt med hjort, også møte dyr som lama, ponny, geit og hund. Nave er eit godt utgongspunkt for kano (til utleige) og turar til fots.

Foto: © Emma Midthjell Solibakke

Foto: © Emma Midthjell Solibakke

På hesteryggen

Norsk Fjordhestsenter på Nordfjordeid har ei rekkje aktivitetar for familien. Her for dokke ei levande historieforteljing om den norske fjordhesten, og sjølvsagt anledning til å vere med på stell og ridetur.

Stall Rygg på Sandane tar dokke med på rideturar og dei legg opp turane etter ferdigheitsnivå og familiens eige ønskje. Alt frå kortare turar på bane, til fine turar over nokon timar ute i naturen. Stall rygg arrangera rideweekend der dokke overnatta i eit tradisjonelt sel i Traudalen.

Norsk Fjordhestgard ligg på Breim og tar store og små gjestar med ut på ridetur. Alt frå ein halvtimes introduksjonstur for nybyrjarar til køyring i stor vogn med plass til 8 personar. Og mange ulike tilbod midt i mellom.

Foto: © Emma Midthjell Solibakke

Bademoglegheiter

Nordfjord er full av bademoglegheiter, og dokke kan ha alt i frå tøffing-konkurranse i brevatn til deilige badedagar i badevatn med godt over 20 grader. Det er også moglegheit for å bade i basseng ute og inne. Her er nokon forslag:

Trivselshallen i Sandane ligg i det same bygget som idrettshallen i Sandane sentrum. Her er både svømmebasseng (25 grader), vannsklie, terapibasseng (34 grader), barnebasseng og stupetårn.

På Gloppen Camping og fritidssenter finn dokke både badestrand og utandørs symjebasseng.

Byrkjelo Camping har eit flott og populært oppvarma utandørsbasseng. I tillegg til det finn dokke eit mindre barnebasseng.

På Hotel Alexandra finn dokke eit stort badeanlegg med badebasseng både ute og inne, som er fletta i lag med kanalar. Her er vannsklie med skikkelege magesug og motstrømsbasseng for den som vil ha ei fin treningsøky. Det er fleire barnebasseng inne o gute, og vannsklie, foss, og grotte.

Foto: © Ruben Soltvedt

Seljesanden ligg i den fine bygda Selje. Det er ikkje tilfeldig at tusenvis av bilde herfrå finne vegen til Instagram. Stranda strekkje seg frå sentrum til Selje Kyrkje.

Grotlesanden er ei av dei finaste badestrendene på Vestlandet. Dette er ei sandstrand som vekke begeistring og beundring og som besøkjast av mange barnefamiliar i løpet av sommaren. Grotlesanden ligg i nærleiken av fleire andre små strender mellom Hauge og Grotle.

Refviksanden finn dokke i Vågsøy kommune. Den er 1,5 km lang og ettersom stranda er langgrunn, blir den raskt oppvarma til god badetemperatur på dei finaste dagane, og den er veldig barnevennleg. Refviksanden er fleire gongar kåra til Norges finaste badestrand.

Hoddevik ligg i Stad kommune. I Hoddevik, ytterst på Stad, kan du vandre berrføtt på kvit sand, omkransa av høge fjellsider. På Hoddevik kan ein til og med ta med borna på surfing.

Foto: © Emma Midthjell Solibakke

Klatring for barn

Trivselshallen på Sandane har ein av dei største klatreveggane på Vestlandet og klatreveggen er 15 meter på det høgste. Men den er også godt egna for barn som ikkje vil klatre så høgt.

Hamna Aktivitetssenter ligg på Nordfjordeid og er ein innandørs buldrehall. Hallen er inspirert av klatring på stein utandørs og er perfekt for barn.

Hydlaparken er ein høgdepark i Stryn og har 7 ulike klatreløype med 11 ziplines og 58 hinder. Her er det både enkle barneløype, middels familieløype og litt tøffare utfordringar for dei største barna. I tillegg til høgdeparken, er der også ein pumptrack for sykkel.

Via Ferrata Loen i Stryn er eit godt alternativ for dei større borna. Aldersgrense er 12 år i Via Ferrata Classic (minimumsvekt 40 kg).

Gym Stryn har ein buldrevegg for alle nivå og aldrar. Dei lagar nye ruter kvar veke, slik at du alltid får nye utfordringar.

Padling

I heile Nordfjord finn dokke fantastiske padlemoglegheiter. Det finns ei rekkje aktørar, som sportsbutikkar, overnattingsbedrifter og guideselskap som leige ut kano og kajakkar. Eit godt tips er å bruke eit av guideselskapa, for eigen tryggleik, men også for å finne dei finaste perlene og dei skjulte skattane.

Norway Adventures tilbyr forskjellige turar tilpassa barnefamiliar, både turar på nokre timar og turar som går over fleire dagar.

Briksdal Adventure tilbyr også barnevennlege turar med kajakk, både på fjorden og i Oldedalen. Yri Outdoor leige ut kano til fine turar på Oldevatnet.

Midtre Nordfjord Turlag (Turistforeningen) har padleutstyr plassert i Langedalen, Traudalen, Gjengedalen og på Eid:

I Gjengedalen (Sandane) ligg alt i naustet ved Gjengedalsstøylen. I Langedalen (Sandane) er utstyret inne i uthuset, mens kajakkane ligg ute. På Eid ligger alt inne i eit naust. I Traudalen (Hyen) ligg alt utstyret ved ei nausttomt ved vegen til Dalsbøen.

Båtleige og fiske

I Nordfjord kan dokke leige båt fleire plassar for å fiske, både på innsjøar og i sjølve Nordfjorden. Spørr etter meir informasjon der dokke bur.

Stisykling

Mange forbinde stisykling med krevjande og bratte bakkar. Men i Nordfjord finn du mange mindre krevjande og snille moglegheiter for heile familien.

Nordfjord Stisenter ligg på Sandane. Dei enklaste løypene er veldig godt tilrettelagt for familiar og nybyrjarar. Etter kvart som ein føle seg tryggare er det mogleg å avansere til meir krevjande løyper.

Sandane Pumptrack finn dokke ved kunstgrasbana nær Sandane sentrum.

Folven Pumptrack ligg i tilknyting til Folven Camping i Stryn.

Harpefossen skisenter ligg på Nordfjordeid, og om sommaren blir anlegget gjort om til eit sykkelanlegg. Det er eit flott anlegg for tur- og stisykling!

Hydlaparken i Stryn har også ein eigen pumptrack for sykkel.