Jostedalsbreen Nasjonalparksenter

Jostedalsbreen nasjonalparksenter ligg i Oppstryn, og er autorisert som besøkssenter for Jostedalsbreen nasjonalpark. Hovudbygning er bygd etter same prinsipp som eit vikinghus, og er omtrent like stor som det største vikinglanghuset som er funne i Norge.

Nasjonalparksenteret inviterer deg med på ei sanseleg og til tider dramatisk reise inn i norsk natur. Blant anna kan du oppleve Noregs mest spennande, interaktive skredoppleving som gjev deg kjensla av å hamne midt i eit snøskred. I kinosalen får du oppleve den mektige Jostedalsbreen. Her lærer du meir om breen, plante og dyrelivet. Har du nokon gong undra deg over kvifor vatnet er grønt og isen blå? Hos oss kan du lære meir om korleis landskapet ein ser i dag har blitt påverka av brear gjennom tidene og kva som skjer med isbreane i dag.

Vi gjev deg òg eit unikt innblikk i dei tragiske og dramatiske Lodalsulukkene gjennom ei digitalisert samling avisutklipp frå 1936. Og mykje meir!

I den botaniske hagen kan ein nyte den vakre utsikta over Oppstrynsvatnet, fjell, brear og elvar som ligg rundt. Opplev det rike biologiske mangfaldet norsk natur har å by på.
I den geologiske parken kan du sjå 26 bergartar henta frå regionane; Nordfjord, Sunnfjord og Sogn. Bli med på ei geologisk reise gjennom millionar av år.

I tillegg til dette har senteret ein spisesal med 115 sitjeplassar, kafê med sal av kaffe/te og småkaker og ein gåvebutikk med steinsmykker, varer av norsk design, lokalmat, bøker, kart m.m.

Nasjonalparksenteret leiger ut kano (firemanns) og SUP-brett.

Hjarteleg velkomen til oss!