Eit kvitt teppe av snø har lagt seg over Nordfjord, og skisesongen er endeleg i gong! Kos deg i preparerte skiløyper, i alpinbakkane eller i laussnøen. Gå til Nordfjord sine offisielle vintersider!
Nordfjorden
Foto: Thomas Bickhardt/BickFoto
Alpint/Snowboard/Telemark
Du finn flotte skisenter i Nordfjord tilpassa dine behov. Alpinanlegga i Nordfjord er Stryn, Harpefossen, Breimsbygda og Grendadalen. Dei fleste har barneskitrekk, skiutleige og skiskule. Og guida toppturar har ofte utgongspunkt frå skisentra.
Felles skipass i Nordfjord og Sunnmøre
Seks skisenter i Nordfjord og på Sunnmøre sel ”Alpepasset” og har såleis etablert Vestlandets første skiregion. Strandafjellet, Fjellsetra, Stordalen og Ørsta på Sunnmøre og Stryn Skisenter og Harpefossen Skisenter i Nordfjord tilbyr eit regionpass som gir adgang til samtlige skisentre. Dette gjev adgang til rundt 30 heisar og 60 nedfartar, i tillegg til fleire terrengparker og eventyrlig frikjøringsterreng. www.alpepass.no.
Langrenn
Fleire kilometer med oppkøyrde løyper og endelause vidder med puddersnø. Nordfjord gir deg varierte moglegheiter og vanlegvis gode snøforhold. Vi kan skilte med nasjonale og internasjonale langrennsløyper, som har vore arena for NM i 1996 Junior VM på ski i 2004. Her kan du oppleve stillheita i naturen, der du kun høyrer dine eigne stavtak, eller du kan bruke dei mest populære løypene, og gå saman med andre.
Toppturar
Det er også flotte alternativ for toppturar i Nordfjord. Her ruvar fjella frå nokre få hundre meter til vel to tusen meter over havet. Det er også mogleg å få med seg guide på toppturen.
Surfing
Vinterstid er det ypperlege surfeforhold på Stad - ein av Norges beste surfespots! Surfarar frå heile verda valfartar til Stad.
Opplev vinterstormane på eit fyr
Kråkenes Fyr er eit velkjent landemerke, og her opplever du stormen og bølgene frå Stadhavet rett utanfor glaset. Kråkenes Fyr er heilårsope.