Museumssøndag med kjekke aktivitetar for store og små

Sted
Nordfjord Folkemuseum

Adresse:
6823 Sandane

Telefon

+47 57 88 45 40
E-post

nfm@misf.museum.no
Web

www.nordfjord.museum.no

Aktivitetar for store og små kvar søndag heile sommaren!

Dette skjer på museumssøndag:
- Ope hus i Friluftsmuseet
- Utstillinga «Linjer i landskapet»
- Utstilling med kulturhistoriske gjenstandar
- Kafé
- Museumsbutikk
I tillegg vil det vere ulike aktivitetar:

1. juli
Plantefarging: Bli med på plantefarging! Vi fyrar opp under grytene i Fargeriet der Fargar-Agnete farga og pressa tøy for over 100 år sida. Gjett kva farge det blir av lauv frå epletre?
Toveverkstad for born: I hovudhuset kan du komme og prøve deg på toving!

8. juli
Omvising med konservator Ingrid Berger: Konservatoren vår viser rundt og svarer på spørsmål.
- Ute i husa i friluftsmuseet: kl. 13
- Utstillinga «Linjer i landskapet»: kl. 15
Open felemakarverkstad:
Lurer du på korleis ein byggjer hardingfele? Felemakar Harald Kvanndal har open verkstad, og syner korleis ein gjer det.
Felefilm: I hovudhuset viser vi ein film om å byggje hardingfele.
Godt frå takka får du kjøpt i kaféen.

15. juli
Male- / teikneverkstad for born: Kunstnaren Kathrine Svendsby formidlar kunst til born og unge.
Godt frå takka: I Kandal Masstova blir det baking av natronkaker. Kom og bak og smak!

22. juli
Film i Frislidlada: Visning av super-8 filmar frå Gloppen. Blant anna besøk av Kong Olav og andre nostalgiske filmsnuttar på storskjerm!

29. juli
Toveverkstad for born: I hovudhuset kan du komme og prøve deg på toving!
Godt frå takka får du kjøpt i kafeen.

5. august
Smia på Skår: Visste du at det er magiske krefter i vatnet frå Smia på Skår? Eller at det kan leggast tru og krefter i eit bilete eller ting? Teikneverkstad for born. Start kl. 14
Kolmilefilmen blir vist i hovudhuset.
Potetkaker: I Kandal Masstova blir det baking av potetkaker. Kom og bak og smak!

12. august
Omvising i husa:
Sjå korleis folk frå Nordfjord har budd og levd frå mellomalderen og fram til 1900-talet. Vår lokale guide fortel.
Kl. 13 og 15.

Holvikejekta
Holvikejekta vart bygd i Kråafjøra på Sandane i 1881. I dag står den utstilt på nesten same staden. Gratis tilgjenge.

Utstilling
«Linjer i Landskapet – kraftoverføringens kulturminner»
Utstillinga gir eit innblikk i historia til kraftutbygging og kraftoverføring i fylket og elles i landet. Veit du korleis det var å «jobbe på linja» eller kva folk brukte straumen til når dei fekk den i hus? Utstillinga viser utviklinga i både tekst, bilete og gjenstandar.