Kva med ein skiferie i midt på varmaste sommaren? Høge fjell og nordisk klima gjer skikøyring mogleg nesten heile året. Stryn Sommerski er det mest kjende sommarskisenteret i Nord-Europa, med flotte forhold gjennom sommaren.
Ved den 100 år gamle nasjonale turistvegen, Gamle Strynefjellsvegen (riksveg 258), ligg Nord-Europas beste sommarskianlegg; Stryn Sommerski.
Her kan skiglade turistar frå mai til juli oppleve sommarsnø på sitt beste. Snowboard, alpint, telemark eller langrenn!
Stryn Sommerskisenter ligg 1065 m.o.h. på Tystigbreen. Her finn ein Kafeteria, 10 toalett, flott uteområde, grilling ute på fine dagar. Her finn skishop med skiutleige og heiskort. Omlag 100 meter frå kafeteriaen tek den 2 seters stolheisen deg trygt opp til 1350 m.o.h. Vidare bringer T-krokheisen deg opp til toppen som ligg på 1600 m.o.h. Her kan langrennsinteresserte kose seg i dei ca. 10 km preparerte turløypene.
Det er ein spesiell opplevelse å stå på ski i sol og varmegrader, kun ikledd shorts eller bikini. Det er alltid eit yrande liv i og rundt sommerskisenteret. Hugs solkrem, solbriller, lette kle, men også vindtette kle, for veret kan skifte fort.
18.mai 2013 opnar senteret (kl 10-16) og held ope lørdag, søndag og mandag. Tysdag-torsdag held dei stengt før dei opnar for fullt igjen fredag 24.mai, og har ope kvar dag ut sesongen.
Følg med her, eller besøk strynsommerski.no for oppdatert informasjon.