Få stadar er landskapet meir variert og opplevingane så mangfaldige som i Nordfjord. På ei reise langs Nordfjorden vil du oppleve kontrastrik natur, frå mektige fjell, djupe vatn, fossar, isbrear og fjord til Stadhavet som slår inn mot kysten vår. Opplev brevandring, turar på fjorden eller rusle i sola på kvite sandstrender. Attraksjonane ligg som perler på ei snor. Kom til Nordfjord, og la naturen og menneska inspirere deg. Den som reiser får sjå.
|
 |
|
 |
|
Fiske i Nordfjord
Innlandsfiske
 Nordfjord har ei mengde innsjøar, tjern, bekkar og elvar. I dei aller fleste av desse er det fisk. Aure, røye og ål er dei vanlege artane. I elvar som munner ut i sjøen finn ein laks og sjøaure. Storeparten av alt dette er tilgjengeleg for folk flest.
Fiskekort som dekkjer større område er tilgjengeleg for deler av Eid og Stryn kommune, heile Hornindal kommune og storparten av Gloppen kommune. I dei store innsjøane er fiskekort tilgjengeleg for alle. Her er det godt fiske og gode bestander av aure og røye. Båt er til leige mange stader. Mindre vatn og tjern har ofte fin fisk. Fiskekart er tilgjengeleg for planlegging av turen på førehand, og turar som inkluderer fleire vatn, tjern og elvar kan gje god fangst og spanande opplevingar.
 Gratis fiske i Lovatnet: Frå sesongen 2008 er det heilt gratis å fiske i Lovatnet i Stryn. No treng du ikkje lenger fiskekort for å fiske i eit av dei beste fiskevatna i fylket. Her kan du fritt fiske når du ynskjer. På forsommaren og hausten er garn eit godt alternativ, medan oter er fint på sommarstid. Det er også fint å fiske med stang frå båt eller land. I påska 2008 vart det drege i land ei stor og feit aure på 3,4 kg.
Laks og sjøaure er vanleg i dei større elvane. Nedgang i fangstkvantum dei siste åra har ført til avgrensa fiske i mange elvar, av dei største elvane er det i dag berre Eidselva som held oppe eit bra fangstkvantum, mykje takke vere eit godt sjøaurefiske. Av dei små elvane har flaumelva Ervikelva, ved Stad, hatt rekordfiske i 1998.
Les om flugefiske i elvane i Nordfjord her.
Bergen Sportsfiskere - info om Stryneelva, Loen, fiskereglar m.m.
 Sjø- og kystfiske
Fiske i sjøen er fritt for alle. I fjordane kan det vere bra fiske, og spesielt dei som er ute etter ål kan fiske godt her. Beste sjøfisket opplever ein ved kysten. Både frå land og båt kan ein få fin fangst. Havfisketurar er mogleg med t.d. Sea Safari, Norway AdvenTURes og Solheim Fiskeferie.
Fiskesjukdomar i ferskvatn
Smitte spreiar seg lett og nokre enkle reglar må følgjast: Fiskereiskapen skal vere tørr, eller desinfisert, før den vert brukt i nye vassdrag. Tøm aldri vassbeholdarar o.l. direkte i vassdrag. Det er forbode å fiske med levande fisk som agn, og å spreie nye arter i vassdraga. Gjer deg kjend med fiskereglane og respekter dei.
Barn under 16 år fiskar gratis 1. januar - 20. august.
For meir informasjon om reglar for fiske kontakt Direktoratet for Naturforvaltning eller Fylkesmannen i Sogn og Fjordane - Landbruksavdelinga, Tel.: +47 57 65 51 51
 Vanlege fiskeartar i Norge
Utstyr for fiske
Her kan du kjøpe fiskekort
Flugefiske i Nordfjord - fjorden med dei sju elvane
Sportsfiske i Gloppen
Eidselva
Båt- og fisketurar i Nordfjord
Tabell for flo og fjære (velg Måløy som hamn)
Sjøvettreglane
Jakt og fangst
Med jakt og fangst meiner vi alle former for hausting av vilt med skytevåpen eller fangstreiskap.
Dei rike viltressursane i Noreg har gitt grunnlag for busetjing allereie mens store delar av landet var dekte av is. I historisk tid har jakt og fangst mange stader vore ei viktig attåtnæring, og dermed eit vesentleg element i norsk busetjing og levemåte. I dag er jakta ein viktig del av friluftslivet her til lands.
Når vi forvaltar viltressursane våre, er det viktig at det skjer på ein slik måte at naturen sin produktivitet og artsrikdom blir oppretthalden. Innanfor desse rammene kan ein drive jakt til beste for landbruk og friluftsliv.
I Noreg er alt vilt freda med mindre anna følgjer av Viltlova. Det gjer at det berre er eit fåtal artar det er lov å jakte på. Dei jaktbare artane har jakttider som er regulerte gjennom ei eiga forskrift. Vi skil til vanleg mellom småvilt og storvilt, og det er ulike krav som stillast til jegerar som jaktar småvilt og storvilt. For alle jegerar og fangstmenn er det visse vilåוr som må følgjast før, under og etter jakt og fangst.
Nokre av reiselivsbedriftene i Nordfjord har løyve på hjort. Desse er:
Gloppen Hotell - Gloppen
Hagehuset - Stryn
Juv - Stryn
Solheim Fiskeferie - Vågsøy
Stryneelva Hyttegrend - Stryn (også rypejakt)
Vollsnes Feriehytter - Stryn
For meir informasjon om jakt og fangst i Norge kan du lese meir på nettsidene til Direktoratet for Naturforvaltning. På desse sidene finn du også iinformasjon om kva slags lover og reglar som gjeld.
www.dirnat.no
|
|
|
 |
|
 |
|
Din offisielle reiseguide i Nordfjord
|
