Få stadar er landskapet meir variert og opplevingane så mangfaldige som i Nordfjord. På ei reise langs Nordfjorden vil du oppleve kontrastrik natur, frå mektige fjell, djupe vatn, fossar, isbrear og fjord til Stadhavet som slår inn mot kysten vår. Opplev brevandring, turar på fjorden eller rusle i sola på kvite sandstrender. Attraksjonane ligg som perler på ei snor. Kom til Nordfjord, og la naturen og menneska inspirere deg. Den som reiser får sjå.
|
 |
|
 |
|
 Eid ligg midt i Nordfjord, og er kjend for mellom anna opera, fjordhest, shopping og flotte vandreturar.
Som i resten av regionen står landbruket sterkt, men handel og industri spelar ei viktig rolle med mellom anna Frislid Konfeksjon og skipsverftet Hellesøy Nordfjord. Eid satsar på miljø og brukar fjordvarme.
Nordfjordeid har eit rikt skuletilbod, med mellom anna folkehøgskulen som tilbyr utdanning rundt fjordhesten og den einaste sirkusutdanninga i Norge. Den sentrale plasseringa set Eid i ei særstilling når det gjeld handel i regionen, der Eidsgata i sentrum har eit rikt vareutvalg å tilby.
Eid er vertskapskommune for Opera Nordfjord - distriktsoperaen med profesjonelle oppsetjingar kvart år i oktober.
Fjordhesten har eit eige nasjonalt senter i kommunen, som har til oppgåve å styrke hesterasen si stilling. Som i Gloppen er hesten med i kommunevåpenet.
Folketalet i kommunen er 5.779 (01.01.2004), og området dekkjer eit areal på 468 km2.
 Opningstider på butikkane på Nordfjordeid:
Måndag - onsdag: 09:00-16:30
Torsdag: 09:00-19:00
Fredag: 09:00-16:30
Laurdag: 10:00-14:00
Søndag: stengt
Sommarshopping
Kvar helg heile sommaren inviterer Eidsgata og sentrum til laurdagsmarknad med gågate og yrande folkeliv. Levande musikk og anna underhaldning gjer handleturen også til ei kulturoppleving. Fleire av dei frivillige organisasjonane er på plass med kaffi, vafler og anna matservering. Siste helga for sommarhandel på Nordfjordeid fell saman med Malakoff rockefestival - ein festival heile bygda sluttar opp om. Nordfjordeid er eit velfungerande sentrum der dei fleste bransjar er representerte. 1200 gratis parkeringsplassar og store grøntareal står klare til å ta i mot deg!
Ein av butikkane du bør få med deg er BergArt Gullsmedverkstad, midt i Eidsgata. Denne vert driven av Kathrine Berg. Her designar og produserar ho eigne sølv og gullsmykke med særpreg. Du kan få noko som ingen andre har!
Turistinformasjon:
Sommaropen turistinformasjon i sentrum av Nordfjordeid, i kulturhuset "Gamlebanken". Klikk her for opningstider
Booking av overnatting: 57 87 40 53, mail@nordfjord.no eller book online her!
Veret i Eid no
Nyttige internettsider:
Fylkesleksikon - Om Eid
Eidaportalen
Eid kommune
Opera Nordfjord
Gamlebanken
Eid kino
Bygdesider i Eid kommune
Stårheimsbygda
Kjølsdalen
Haugen
Bryggja
Hjelle
|
|
|
 |
|
 |
|
Din offisielle reiseguide i Nordfjord
|
